Armenia ka njohur shtetin e pavarur të Palestinës

Qeveria e Armenisë ka njoftuar se nga 1 korriku do të njohë shtetin e pavarur të Palestinës.

 Sipas AFP, Ministria e Punëve të Jashtme të Armenisë njoftoi në një deklaratë: Situata katastrofike humanitare në Gaza është një nga çështjet kryesore në axhendën politike ndërkombëtare dhe ka nevojë për një zgjidhje.

Më parë, tre vende evropiane, Spanja, Sllovenia dhe Irlanda, e njohën shtetin e Palestinës. Lëvizja Palestineze e Rezistencës Islamike (Hamas) vlerësoi veprimin e Republikës së Armenisë në njohjen e shtetit të pavarur të Palestinës. Në një deklaratë, Hamasi përshëndeti veprimin e Republikës së Armenisë për njohjen e shtetit të Palestinës dhe shtoi: Ne e shohim këtë veprim si një hap të mëtejshëm dhe të rëndësishëm në drejtim të konsolidimit të njohjes së të drejtave të popullit palestinez nga komuniteti ndërkombëtar dhe duke përmbushur dëshirat e tyre për t'i dhënë fund pushtimit të tokës së tyre dhe krijimin e një vendi të pavarur me sovranitet me Kudsin si kryeqytet. Në këtë deklaratë Hamasi u kërkoi edhe një herë vendeve të botës që të marrin masa të ngjashme për të mbështetur luftën e popullit palestinez kundër regjimit pushtues izraelit dhe për të izoluar këtë regjim kriminal që vazhdon të kryejë gjenocid dhe spastrim etnik kundër popullit palestinez.

 Megjithatë, Ministria e Punëve të Jashtme e regjimit okupues të Izraelit thirri ambasadorin armen në Tel Aviv disa orë pasi Jerevani njoftoi njohjen e shtetit të pavarur të Palestinës.

 Ministria e Punëve të Jashtme të regjimit sionist njoftoi në një deklaratë se pas njohjes së Palestinës nga Armenia, ne thirrëm ambasadorin e vendit në Tel Aviv për ta qortuar ashpër.