Martirizohen 22 palestinezë në sulmet e regjimit sionist në Gaza
Mëngjesin e sotëm 22 palestinezë ranë dëshmorë në sulmet e regjimit sionist në Gaza.
Sipas agjencisë së lajmeve Sama Palestine, burime palestineze bënë të ditur se 22 palestinezë kanë rënë dëshmorë dhe dhjetëra të tjerë janë plagosur në sulmet ajrore të regjimit sionist në zona të ndryshme të Gazës. Ndërkohë, luftëtarët e rezistencës palestineze sot njoftuan se kanë kryer disa operacione kundër ushtarëve të regjimit sionist në zona të ndryshme të Rripit të Gazës dhe u kanë shkaktuar goditje të rënda. Ndërkohë, Shoqata e Gjysmëhënës së Kuqe Palestine në një mesazh paralajmëroi se të gjitha pikat kufitare për në Gaza duhet të hapen për të parandaluar katastrofën njerëzore. Sipas raportit të IRNA nga Al-Jazeera të hënën në mëngjes, Shoqata e Gjysmëhënës së Kuqe Palestine në një mesazh në faqen e saj personale në rrjetin social X (ish Twitter) shkroi: Kushtet humanitare në Gaza janë të rënda, kështu që tani pothuajse të gjithë palestinezët që jetojnë në këtë rrip vuajnë nga pasiguria e rëndë ushqimore dhe për këtë arsye ne bëjmë thirrje për rihapjen e të gjitha pikave kufitare në mënyrë që të sigurohet kalimi i papenguar i ndihmave humanitare në Gaza.
