Pars Today

Pars Today - Një gazetë e botuar në Tel Aviv paralajmëroi për pasojat e zgjerimit të luftës kundër Libanit dhe shkruan: Rezultati i luftës masive me Hezbollahun është një humbje absolute për Izraelin.

Me fillimin e operacionit “Stuhia Al-Aksa”, Hezbollahu ka mundur të ruajë epërsinë e tij në veri të territoreve të pushtuara duke përdorur armë anti-blinde dhe precize, gjë që ka shkaktuar tmerr dhe frikë tek autoritetet e regjimit sionist. Sipas Pars Today, gazeta sioniste “Haaretz” në një raport me titull “Rezultati i luftës me Libanin është një dështim i plotë” shkruan: Nëse Izraeli zgjeron luftën në Liban dhe kryen operacione tokësore në këtë rajon, ai do të përjetojë një disfatë të rëndë. Haaretz nuk e konsideroi regjimin pushtues të aftë për një sulm në shkallë të gjerë mbi Libanin dhe pushtimin e rajoneve jugore të tij dhe shkroi: Izraeli nuk kërkon të pushtojë jugun e Libanit deri në lumin Litani, por dëshiron vetëm të kryejë një operacion të kufizuar ushtarak në kufi për të siguruar banorët e veriut se zona është e sigurt për t'u kthyer. Kjo media sioniste paralajmëroi për ndërlikimin e situatës në rajon dhe shkruan: Kryerja e një operacioni të tillë, qoftë edhe në mënyrë të kufizuar, mund të intensifikojë tensionet në rajon dhe ta nxjerrë situatën jashtë kontrollit. Haaretz vazhdon: Përgjigja e Hezbollahut ndaj aksionit ushtarak të Izraelit mund ta kthejë këtë manovër të vogël ushtarake në një luftë gjithëpërfshirëse dhe ekziston mundësia që infrastrukturat strategjike të Izraelit të vihen në shënjestër të Hezbollahut, që madje mund të shkaktojë edhe ndërprerje të energjisë elektrike. Ndërkohë; Gazeta izraelite Yediot Aharnot shkruan: Rezistenca libaneze ka aftësi të larta ushtarake, pajisje dhe teknologji shumë të rrezikshme. Gazeta shton: Depërtimi i qindra dronëve nga kufijtë e Libanit tregon se sistemet e sigurisë dhe ushtarake nuk janë gati të merren me këto mjete fluturuese. Yediot Aharnot shkruan: Ushtria izraelite e dëshpëruar po kërkon një zgjidhje për këto kërcënime. Mediat e regjimit sionist, duke pranuar pasojat e goditjeve të rënda të luftëtarëve të rezistencës islamike libaneze në veriun e pushtuar palestinez, kanë bërë të ditur se operacionet e Hezbollahut janë kthyer në një luftë acarimi dhe shkatërrimi për vendbanimet sioniste në këtë rajon.  Sipas ekspertëve ushtarakë të regjimit sionist, Hezbollahu i Libanit i vetëm angazhoi gjysmën e fuqisë së ushtrisë së këtij regjimi në frontin verior dhe pengoi praninë e fuqishme të ushtrisë pushtuese në frontin jugor.