Ministri i Jashtëm i Izraelit kërcënon Erdoganin me vdekje
Ministri i Jashtëm i regjimit sionist, kërcënoi me vdekje Recep Tayyip Erdogan, Presidentin e Turqisë.
Sipas agjencisë së lajmeve, ministri i Jashtëm izraelit Yisrael Kats ka postuar një foto të presidentit turk Rexhep Tajip Erdogan në rrjetin social X dhe ka shkruar: Ai kërcënoi se do të sulmojë Izraelin, ndaj e pret vdekja. Ky qëndrim i Katz është në përgjigje të deklaratës së Erdoganit, i cili tha: Turqia mund të ndërhyjë në Izrael, siç ndërhyri në Nagorni-Karabakh dhe Libi dhe asgjë nuk e pengon që ta bëjë këtë. Erdogan shtoi: "Ne duhet të jemi shumë të fortë në mënyrë që Izraeli të mos mund t'i bëjë këto gjëra në Palestinë." Ministria e Jashtme e Turqisë duke iu drejtuar atyre që sulmojnë popullin palestinez, lëshoi një deklaratë ku tha se njerëzimi do të qëndrojë në krah të palestinezëve. Ju nuk mund t'i shkatërroni ato. Ministria e Jashtme e Turqisë në deklaratën e saj shtoi: “Ashtu siç përfundoi gjenocidi i Hitlerit, do të përfundojë edhe i Benjamin Netanyahut, kryeministrit të regjimit sionist, i cili kreu gjenocid. Ashtu sic nazistët që kryen gjenocidin u vunë në llogari, ata që kërkojnë të shfarosin palestinezët do të japin llogari”. Që nga 7 tetori 2023, më shumë se 39,000 palestinezë janë martirizuar dhe mbi 90,000 të tjerë janë plagosur në sulmet e ushtrisë së regjimit sionist në zona të ndryshme të Rripit të Gazës, shumica prej tyre fëmijë dhe gra.