Atentat i pasuksesshëm ndaj njërit prej komandantëve të Hezbollahut në Bejrut

Në sulmin e djeshëm në kryeqytetin e Libanit, regjimi sionist nuk pati sukses në vrasjen e një prej komandantëve të Hezbollahut.

Sipas agjencisë së lajmeve Mehr, burime mediatike të regjimit sionist pretenduan se qëllimi i sulmit në periferitë jugore të Bejrutit ishte vrasja e Fouad Abu Mohsen, kreut të shtabit të përgjithshëm të Hezbollahut në Liban. Sipas Reuters, vrasja e këtij zyrtari të Hezbollahut libanez ka dështuar. Mediat e regjimit sionist pretenduan se sionistët që jetojnë në Haifa janë në gjendje paniku dhe kanë frikë nga reagimi i mundshëm i Hezbollahut ndaj sulmit të regjimit sionist në periferitë jugore të Bejrutit. Mediat e regjimit sionist bënë të ditur gjithashtu se ushtria e këtij regjimi është në gatishmëri dhe u ka kërkuar kolonëve që jetojnë në vendbanimet sioniste pranë kufirit libanez që  të qëndrojnë në strehimore. Ndërkaq, Ministria e Shëndetësisë e Libanit të mërkurën njoftoi se në sulmin ajror të regjimit sionist në periferinë jugore të Bejrutit, katër persona kanë mbetur dëshmorë dhe 74 janë plagosur. Sipas IRNA nga Agjencia Kombëtare Libaneze e Lajmeve, ministri i Jashtëm libanez, Abdullah Bouhabib, përmes një deklarate tha se në përgjigje të sulmit të regjimit sionist në periferitë jugore të Bejrutit, ne do të bëjmë një ankesë kundër këtij regjimi në Këshillin e Sigurimit të Kombeve të Bashkuara. Të martën, burime të lajmeve njoftuan për sulmin ajror të regjimit sionist në periferitë jugore të Bejrutit.