Hezbollahu vazhdon operacionet e tij kundër dhe bazave ushtarake izraelite
Të shtunën, Rezistenca Islamike në Liban, Hezbollah, kreu disa operacione kundër objektivave që i përkisnin ushtrisë okupatore izraelite në kufirin me Palestinën e pushtuar, si pjesë e mbështetjes për popullin dhe Rezistencën në Gaza.
Sipas kanalit Al-Mayadeen, Rezistenca Libaneze konfirmoi se kishte vënë në shënjestër me raketa, një grumbullim të ushtarëve izraelitë në Tal Shaar, duke njoftuar se ata ishin goditur drejtpërdrejt.
Luftëtarët e Hezbollahut shënjestruan me predha artilerie zonën al-Malikiyah, duke e goditur atë drejtpërdrejt.
Më herët gjatë ditës, grupi i rezistencës nisi një sulm ajror me një dron sulmues që synonte pajisjet e spiunazhit në zonën Ramia, duke çuar në shkatërrimin e tyre.
Nga ana e tij, korrespondenti i Al-Mayadeen në Libanin jugor njoftoi se zjarri i drejtpërdrejtë i nisur nga Libani kishte goditur një objektiv izraelit pranë kazermës Branit.
Mediat izraelite konfirmuan se “sirenat e alarmit ranë në zonën al-Malikiyah, në Galilenë perëndimore, në kufirin me Libanin”.
Ngjarjet e fundit kanë treguar konfuzionin me të cilin përballet Izraeli në Frontin Verior, gjë që pranohet nga zyrtarët izraelitë dhe mediat izraelite.
