Ministri më ekstremist sionist bëri thirrje për luftë me Hezbollahun

Itamar Ben Gvir, ministri i sigurisë së brendshme të regjimit sionist, i cili njihet si ministri më ekstremist izraelit, bëri thirrje për një luftë midis Izraelit dhe Hezbollahut libanez, duke thënë se asnjë negociatë apo kompromis me Hezbollahun nuk do të ishte i dobishëm.

Sipas IRNA, Itamar Ben Gvir, ministri i sigurisë së brendshme të regjimit sionist, tha: Izraeli duhet t'i shpallë luftë Hezbollahut me një përgjigje të hapur dhe të qartë. Asnjë negocim apo kompromis me Hezbollahun nuk do të jetë i dobishëm.

Në të njëjtën kohë, Is'haq Herzog, presidenti i regjimit sionist, u tha protestuesve që kundërshtojnë vazhdimin e luftës në Gaza, se ai dëshiron të largojë nga kabineti ministrat e linjës së ashpër.

Kjo kërkesë u bë pasi familjet e të burgosurve sionistë protestuan kundër pengimit të marrëveshjes së armëpushimit në Rripin e Gazës dhe shkëmbimit të të burgosurve me lëvizjen Hamas nga ministrat e linjës së ashpër në qeverinë izraelite.

Më parë, Itamar Ben Gvir dhe Bezalel Smotrich, ministrat e vijës së ashpër të qeverisë sioniste, e kishin kërcënuar Netanyahun se nëse ai binte dakord për marrëveshjen e armëpushimit në Rripin e Gazës dhe për shkëmbimin e të burgosurve, ata do të largoheshin nga kabineti i tij i koalicionit dhe do t'a përmbysnin atë.