Përfundojnë pa rezultat bisedimet në Kajro për armëpushimin në Gaza

Agjencia e lajmeve Reuters raportoi se bisedimet për armëpushimin në Gaza që u zhvilluan në Kajro përfunduan pa arritur një marrëveshje dhe Hamasi dhe regjimi sionist nuk ranë dakord për disa propozime të paraqitura nga ndërmjetësit.

Reuters në këtë raport shtoi: "Negociatat për armëpushimin në Rripin e Gazës përfunduan të dielën në mbrëmje në Kajro me praninë e delegacioneve amerikane dhe izraelite. Delegacionet e Hamasit dhe Izraelit nuk u pajtuan me pikat e marrëveshjes të paraqitura nga ndërmjetësit.

Delegacioni i Hamasit thotë se Izraeli është tërhequr nga angazhimi i tij për të larguar forcat e tij nga boshti i Filadelfias kur të fillojë armëpushimi dhe ka vendosur kushte shtesë, si kontrollimi i refugjatëve kur të kthehen në zonat e tyre të shpopulluara në Rripin verior të Gazës".

Osama Hamdan, një zyrtar i Hamasit, të dielën i tha TV Al-Aqsa: "Ne nuk e pranojmë diskutimin për tërheqjen nga ajo për të cilën ramë dakord më 2 korrik, ose shtimin e kushteve të reja". Ai tha se çdo marrëveshje duhet të përfshijë një armëpushim të përhershëm dhe tërheqjen e plotë të Izraelit nga Gaza.

Sipas Ezzat al-Rashk, një anëtar i lartë i Hamasit, delegacioni i grupit palestinez u largua nga Kajro të dielën pas bisedimeve me ndërmjetësit egjiptianë dhe katariotë.