Brigadat Kasam përgëzojnë Hezbollahun për operacionin kundër Izraelit
Brigadat Kasam, krahu ushtarak i Hamasit, ka uruar lëvizjen rezistente të Libanit Hezbollah për operacionin e saj të 25 gushtit kundër regjimit izraelit.
Hezbollahu lëshoi breshëri raketash dhe dronësh drejt objektivave që ndodheshin në pjesën veriore të territoreve të pushtuara palestineze në përgjigje të vrasjes më 30 korrik së Fuad Shukr, një komandant i lartë i Hezbollahut.
Zëdhënësi i Brigadave Kasam, Abu Obeida tha se krahu i armatosur i Hamasit përgëzon operacionin e Hezbollahut dhe vlerëson sakrificat e mëdha të popullit të Libanit dhe luftëtarëve të tij të Rezistencës.
Abu Obeida tha se operacioni i Hezbollahut riafirmoi ndryshimin në realitetin strategjik për Izraelin që nga Operacioni Stuhia Al-Aksa i 7 tetorit.
Ai tha se Izraeli nuk ka siguri nga ndëshkimi dhe nuk ka kufij për mundësinë e goditjes ndaj sionistëve kudo dhe nga çdo front.
Hezbollahu libanez ka thënë se "aktualisht është në nivelin më të lartë të gatishmërisë dhe do të qëndrojë i vendosur dhe vigjilent kundër çdo shkeljeje apo agresioni sionist, veçanërisht nëse dëmtohen civilët, dhe në këtë rast dënimi do të jetë i rëndë dhe shumë i ashpër".
