Hezbollahu godet bazën izraelite Shimshon me raketën e re Fadi-3

Lëvizja e rezistencës islamike libaneze, Hezbollah, njoftoi se raketat Fadi-3 janë lëshuar në bazën Shimshon, qendra e pajisjeve komanduese dhe njësia rajonale e pajisjeve të ushtrisë izraelite, dhe shtoi se ky sulm u krye në mbështetje të popullit palestinez në Rripin e Gazës dhe për të mbrojtur Libanin, raporton kanali Al-Manar.

Më herët gjatë ditës, Hezbollahu njoftoi në një deklaratë se luftëtarët e Rezistencës Islamike shënjestruan me dhjetëra raketa depot kryesore të armëve të ushtrisë izraelite në bazën Nimra.

Mediat izraelite raportuan se sirenat e alarmit janë dëgjuar në rajonin Katzrin në Golanin jugor të pushtuar.

Sipas raportit, dhjetëra shpërthime të forta ndodhën në Rosh Pina dhe Safed, në veri të Palestinës së pushtuar dhe Galilea e sipërme është ende nën zjarr nga raketat e Hezbollahut.

Mediat kanë transmetuar edhe një video të rënies së një rakete pranë qytetit Kfar Manda në territoret e pushtuara.

Hezbollahu gjithashtu gjuajti breshëri raketash Fadi-1 dhe Fadi-2 në aeroportin ushtarak Megiddo në perëndim të rajonit Afula të Izraelit, bazën ajrore Ramat David pranë Haifës, bazën logjistike Amos dhe fabrikën e eksplozivëve Zikhron.

Grupi i rezistencës libaneze njoftoi gjithashtu se anëtarët e tij goditën me një breshëri raketash magazinat logjistike të Divizionit 146 të ushtrisë izraelite në bazën Naftali.

Hezbollahu ka lëshuar dhjetëra raketa në pozicionet e regjimit sionist gjatë orëve të fundit.

Sulmet e Hezbollahut shkaktuan një valë terrori mes sionistëve. Të gjitha shkollat ​​janë mbyllur në qytetin e Haifës dhe kolonëve u është kërkuar të strehohen në strehimore.