Netanyahu dhe ministri izraelit i luftës futen në bunker

Një media izraelite zbuloi se kryeministri i këtij regjimi, Benjamin Netanyahu, së bashku me Yoav Galant, ministrin izraelit të luftës janë futur në bunker.

Sipas IRNA, gazeta sioniste Israel Today njoftoi se Netanyahu dhe ministri i luftës i kabinetit të tij shkuan në një bunker të nëndheshëm në selinë e ministrisë së luftës të këtij regjimi. Sipas raportimeve të ndryshme të mediave, Netanyahu dhe Gallant u strehuan në bunker nga frika e sulmeve të forcave të rezistencës. Ky veprim i Netanyahut dhe Gallantit ndodhi pasi regjimi sionist sulmoi disa vende në Iran. Nga frika e sulmeve të Hezbollahut ndaj Izraelit, një bunker i nëndheshëm në Kods ku udhëheqësit e lartë mund të qëndrojnë për një periudhë të gjatë kohore gjatë luftës, është përgatitur nga shërbimi i sigurisë Shin Bet, raportoi të dielën faqja e internetit në gjuhën hebraike Walla. Bunkeri, i cili thuhet se është ndërtuar pothuajse 20 vjet më parë, ka aftësi komandimi dhe kontrolli dhe është i lidhur me selinë e Ministrisë së Mbrojtjes në Tel Aviv, thuhet në raport. Mediat e regjimit sionist raportuan se regjimi ka mbyllur hapësirën e tij ajrore nga frika e reagimit të Iranit.