Axios: Izraeli dhe Libani janë në prag të një marrëveshjeje armëpushimi

Portali amerikan i lajmeve Axios, duke cituar zyrtarë të lartë amerikanë dhe sionistë, njoftoi se Izraeli dhe Libani janë në prag të vendosjes së armëpushimit.

Sipas agjencisë iraniane të lajmeve IRNA, portali i lajmeve Axios shkroi: "Qasja mbizotëruese në Izrael është të ndërmerren hapa drejt nënshkrimit të një marrëveshjeje armëpushimi me Libanin."

Më tej, Axios shtoi: "Uashingtoni ka rënë dakord të japë garancitë e nevojshme për të mbështetur çdo veprim ushtarak izraelit kundër çdo kërcënimi nga Libani."

Amerika gjithashtu i ka dhënë garancitë e nevojshme regjimit sionist për të ndihmuar në parandalimin e kthimit të Hezbollahut në afërsi të kufijve.

Të dielën mbrëma, mediat e regjimit sionist raportuan se armëpushimi me Libanin ishte finalizuar dhe se ai do të shpallet së shpejti.

Rrjeti televiziv “Kan” i regjimit sionist bëri të ditur se është arritur një marrëveshje me Libanin dhe se Benjamin Netanyahu po shqyrton mënyrën se si t’ua shpallë atë sionistëve.

Ky rrjet televiziv shtoi: "Izraeli ka njoftuar të dërguarin special të Shteteve të Bashkuara të Amerikës, Amos Hochstein, për çështjet e nevojshme për të finalizuar marrëveshjen."

Kanali televiziv Channel 14 i regjimit sionist citoi gjithashtu një zyrtar izraelit të ketë thënë se "jemi në prag të një armëpushimi me Libanin dhe se marrëveshja do të shpallet në ditët e ardhshme".

Shefi i Politikës së Jashtme të Bashkimit Evropian, Josep Borrell, gjatë vizitës së tij në Bejrut të dielën, bëri thirrje për një armëpushim të menjëhershëm në Liban.