Njësitet Kuds dërrmuan pozicionet e regjimit sionist
Njësitet luftarake Kuds, krahu ushtarak i Lëvizjes së Xhihadit Islamik Palestinez, të premten mbrëma sulmuan shtabin e komandës dhe të kontrollit të forcave pushtuese izraelite në aksin Netsarim duke përdorur predha 107 mm.
Sipas agjencisë iraniane të lajmeve IRNA, rrjeti televiziv Al-Mayadeen njoftoi se në këtë sulm janë shkaktuar humbje të mëdha në mesin e forcave pushtuese dhe se një numër ushtarësh izraelitë janë vrarë dhe plagosur.
Gjithashtu, sipas njësiteve Kuds, një helikopter ushtarak izraelit është dërguar në rajon për të transportuar të plagosurit. Ky sulm tregon edhe një herë përshkallëzimin e tensioneve në rajon, veçanërisht në territoret e pushtuara.
Të enjten, organizata Human Rights Watch publikoi një raport të titulluar "Shkatërrim dhe akte gjenocidi: Izraeli qëllimisht privon palestinezët e Gazës nga uji".
Ky raport shton: "Ushtria izraelite ka asgjësuar dhe shkatërruar qëllimisht infrastrukturat e ujërave të zeza dhe ato të trajtimit të ujit, si dhe pajisjet e riparimit të këtyre infrastrukturave dhe ka bllokuar hyrjen e ujit në këtë territor."
Zyra e Organizatës së Kombeve të Bashkuara për Koordinimin e Çështjeve Humanitare njoftoi të mërkurën në një raport se regjimi izraelit ka autorizuar vetëm hyrjen e më pak se një të tretës së ndihmës së planifikuar për Gazën.
