Sulm raketor i Batalioneve Izzeddin al-Kassam në qytetin Netivot

Grupi i Rezistencës Izzeddin al-Kassam njoftoi se lëshoi disa raketa në vendbanimin sionist Netivot, në afërsi të Gazës.

Sipas agjencisë iraniane të lajmeve IRNA, ndërsa kanë kaluar 452 ditë nga lufta në Gaza dhe 89 ditë nga operacionet në shkallë të gjerë të ushtrisë pushtuese izraelite në veri të Gazës, gjuajtja e vazhdueshme e raketave dhe predhave nga Gaza drejt vendbanimeve sioniste ka befasuar forcat okupuese.

Lidhur me këtë, Batalionet "Izzeddin al-Kassam" njoftuan se si kundërpërgjigje ndaj krimeve të ushtrisë okupatore izraelite, ata hodhën disa raketa në drejtim të qytetit Netivot.

Ushtria pushtuese izraelite konfirmoi gjithashtu sulmin me raketa të forcave të Rezistencës së Gazës, duke pretenduar se dy raketa u hodhën nga veriu i Gazës dhe se sistemi i mbrojtjes Iron Dome (Kupola e Hekurt) ndaloi dhe shkatërroi një prej tyre dhe se tjetri ra në një zonë të pabanuar.

Burimet sioniste raportuan se sirenat e alarmit janë ndezur në vendbanimet sioniste rreth Gazës pas një sulmi me raketa nga ky rrip.

Kanali 12 televiziv i regjimit sionist njoftoi se të paktën 2 raketa janë lëshuar nga brenda Gazës drejt territoreve të pushtuara.

Brigadat Kuds, krahu ushtarak i Xhihadit Islamik dhe Hamasit kanë gjuajtur vazhdimisht raketa në territoret e pushtuara gjatë javës së fundit, pavarësisht nga shtrëngimi i masave të sigurisë nga ana e sionistëve në Gaza.

Kjo çështje është bërë objekt kritikash të brendshme ndaj kabinetit të Benjamin Netanyahut.