Ish-gjenerali sionist: Hamasi ka ende nën kontroll Rripin e Gazës

Një ish-gjeneral i ushtrisë së regjimit sionist pranoi se sulmi i ushtrisë së këtij regjimi në qytetin Xhebalia për herë të pestë tregon se Lëvizja Hamas ka ende nën kontroll Rripin e Gazës.

Sipas agjencisë palestineze të lajmeve Shehab, gjenerali sionist Itzhak Brik shtoi: "Ushtria izraelite është e pranishme në terren në skenën e Gazës, por në tunelet e nëndheshme, ndodhin shumë ngjarje mbi të cilat ushtria nuk ka kontroll praktik."

Itzhak Brik shtoi: "Të gjitha lojërat e zyrtarëve politikë dhe ushtarakë të Izraelit për të gënjyer opinionin publik janë në kuadër të fabrikimit të një imazhi të caktuar të fakteve."

Ky gjeneral sionist pranoi: "Të gjitha pretendimet e bëra nga autoritetet ushtarake dhe politike izraelite për kontrollin e tyre mbi dy akset, Filadelfia dhe Netzarim, nuk janë gjë tjetër veçse iluzione."

Sipas këtij ish-komandanti ushtarak sionist, udhëheqësit aktualë ushtarakë dhe zyrtarët politikë të Izraelit nuk e kuptojnë situatën e sigurisë në Lindjen e Mesme dhe po e shtyjnë këtë regjim drejt humnerës.

Javën e kaluar, gazeta sioniste “Calcalist” njoftoi në një reportazh për intensifikimin e valës së sanksioneve dhe izolimin ndërkombëtar të regjimit sionist dhe shkruante se ashpërsia e bojkotit global kundër Izraelit po rritet dita-ditës; linjat ajrore njëra pas tjetrës anulojnë fluturimet e tyre drejt aeroportit Ben-Gurion dhe qeveri të ndryshme ndalojnë shitjen e armëve për Izraelin.

Kjo gazetë hebreje shtoi se, çdo ditë, më shumë artistë po anulojnë koncertet e tyre në Izrael, projektet e bashkëpunimit universitar po ndërpriten papritur dhe kompanitë ndërkombëtare të infrastrukturës po vendosin të tërhiqen nga projektet izraelite, dhe se kjo është një shenjë e kundërshtimit global në rritje kundër veprimeve të regjimit sionist ndaj palestinezëve, veçanërisht kundër gjenocidit aktual që ky regjim po kryen në Gaza.