Riadi: Duhet të parandalojmë luftën mes Iranit dhe Izraelit

Ministri i Punëve të Jashtme të Arabisë Saudite, duke iu referuar ekzistencës së rreziqeve për të ardhmen e rajonit, theksoi domosdoshmërinë e parandalimit të çdo konflikti në të, veçanërisht të luftës ndërmjet Iranit dhe regjimit sionist.

Sipas agjencisë iraniane të lajmeve IRNA, duke cituar rrjetin televiziv Al-Jazeera, ministri i Punëve të Jashtme të Arabisë Saudite Faisal bin Farhan Al Saud, gjatë takimit vjetor të Forumit Ekonomik Botëror në Davos të Zvicrës, duke thënë se "ne jetojmë në një rajon plot rreziqe, por ky rajon ka gjithashtu një potencial shumë të madh", tha: “Ne duhet të parandalojmë një luftë midis Iranit dhe Izraelit dhe çdo luftë tjetër në rajon.”

Bin Farhan tha se nuk e konsideron administratën e re amerikane si faktor rreziku për luftë në rajon, por përkundrazi, beson se Donald Trump në mënyrë “plotësisht të qartë” nuk është pro konfliktit.

Ministri i Jashtëm i Arabisë Saudite shprehu më tej shpresën se qasja e Trumpit ndaj Iranit do të përballet me dëshirën e Teheranit për të bashkëvepruar pozitivisht me qeverinë e re amerikane dhe për t'u marrë me çështjen e programit bërthamor të vendit.