Katz: Izraeli nuk ka ndërmend të tërhiqet nga Siria
Ministri izraelit i Luftës, gjatë vizitës në zonën “Xhebel al-Sheikh” në Golanin e pushtuar, tha se ushtria e këtij regjimi synon të qëndrojë në këtë zonë për një periudhë të pacaktuar.
Sipas agjencisë së lajmeve të Radio-Televizionit të Iranit (IRIB), Israel Katz, gjatë një vizite në rajonin "Xhebel al-Sheikh" në Golanin e pushtuar tha se “ushtria izraelite po merr hapa për të garantuar sigurinë e Lartësive të Golanit dhe rajonin verior” dhe se do të mbetet në zonën që pushtoi pas rënies së qeverisë së Bashar al-Asadit.
Dy muaj më parë, ministri izraelit i Luftës konfirmoi pushtimin e zonës "Xhebel al-Sheikh", e cila cilësohet si "syri i rajonit".
Vargmali Xhebel al-Sheikh ose Mali Hermon ndodhet në kufirin midis Libanit, Sirisë dhe Palestinës, veçanërisht në perëndim të Damaskut, kryeqytetit të Sirisë dhe pikës më veriore të Golanit.
Strategët izraelitë i referohen malit "Xhebel Al-Sheikh" si "syri i rajonit" për shkak të dominimit të tij të plotë mbi Sirinë, Jordaninë, Libanin dhe Palestinën e pushtuar, dhe besojnë se cilado palë që dominon këtë mal, dominon të gjithë rajonin.
