Lirohen sot 369 të burgosur palestinezë nga burgjet e regjimit sionist

Zyra për Informim e të Burgosurve Palestinezë njoftoi se sot (e shtunë), në raundin e gjashtë të shkëmbimit të të burgosurve, do të lirohen 369 të burgosur palestinezë në këmbim të lirimit të tre të burgosurve izraelitë.

Sipas agjencisë iraniane të lajmeve IRNA, duke cituar mediat palestineze, ky grup i të burgosurve palestinezë që do të lirohen, përfshin 36 të burgosur të dënuar me burgim të përjetshëm dhe 333 të burgosur nga Gaza, të cilët u arrestuan nga ushtarët e regjimit sionist pas operacionit "Stuhia Al-Aksa" të 7 tetorit 2023.

Në mesin e të burgosurve palestinezë që do të lirohen është Mansour Khalil Mukadeh, i cili u dënua me burgim të përjetshëm dhe ndodhet në paraburgimin e regjimit sionist që nga viti 2022.

Sipas listës së shpallur nga Hamasi, 24 prej të burgosurve palestinezë të planifikuar për t'u liruar të shtunën do të dëbohen jashtë Palestinës.

"Batalionet al-Kassam", krahu ushtarak i Hamasit, njoftoi të premten emrat e tre të burgosurve sionistë, të cilët do të lirohen të shtunën si pjesë e marrëveshjes për shkëmbimin e të burgosurve.

Abu Ubaidah, zëdhënësi i "Batalioneve Al-Kassam", i emëroi këta të burgosur si Sasha Alexander Turbanov, Sagi Dekel Hen dhe Yair Horn.

Më herët, të enjten, Lëvizja Hamas theksoi në një deklaratë se i përmbahet qëndrimit të vet për të zbatuar marrëveshjen e nënshkruar me regjimin sionist, duke përfshirë shkëmbimin e të burgosurve, bazuar në intervalet e përcaktuar kohorë.

Ndërkohë, autoritetet e regjimit izraelit kanë njoftuar edhe një herë se nuk do të lejojnë palestinezët të festojnë dhe të mbajnë ceremoni për pritjen e të burgosurve. Megjithatë, parashikohet që, ashtu si në pesë raundet e mëparshme, edhe këtë herë palestinezët nuk do të lënë gurë pa lëvizur për të pritur të burgosurit, pavarësisht të gjitha kufizimeve.