Izraeli saboton hyrjen e ndihmave humanitare në Rripin e Gazës

Pars Today - Këshilltari për Median i Agjencisë së Ndihmës dhe Punës së Kombeve të Bashkuara për Refugjatët Palestinezë (UNRWA) paralajmëroi se pengimi i hyrjes së ndihmave humanitare në Rripin e Gazës nga regjimi sionist ka përkeqësuar krizën humanitare.

Adnan Abu Hasna, këshilltar për Median i UNRWA-së, njoftoi se regjimi sionist po pengon hyrjen e ndihmave humanitare në Rripin e Gazës, ndihma, të cilat do të plotësonin nevojat e këtij rajoni për tre muaj.

Abu Hasna tha: “Përpjekjet e Izraelit për të krijuar institucione alternative në vend të UNRWA-s kanë dështuar dhe mbyllja e "Organizatës Humanitare Gaza" ishte gjithashtu për shkak të mungesës së përvojës së mjaftueshme”.

Këshilltari për Media i UNRWA-s, duke iu referuar vazhdimit të politikës së uritjes dhe mungesës së rëndë të burimeve financiare në Rripin e Gazës, shtoi se kufizimet izraelite e kanë sjellë UNRWA-në në prag të kolapsit dhe se deficiti i rëndë buxhetor i kësaj organizate do të arrijë në rreth 200 milionë dollarë deri në tremujorin e parë të vitit të ardhshëm, gjë që kërcënon pagesën e pagave për më shumë se 30,000 punonjës./IRNA