Arkivoli i udhëheqësit martir të Revolucionit Islamik në Qerbela

ParsToday - Arkivoli i Ajetullah Sejed Ali Khamenei udhëheqësit martir të Revolucionit Islamik, mbërriti në Qerbela të mërkurën në orën 16:00 sipas orës lokale.

Sipas ParsToday, burimet mediatike raportojnë se zimbajtësit irakianë po mblidhen në Xhaminë e Shenjtë të Imam Husejnit për të mirëpritur arkivolin e udhëheqësit martir të Revolucionit Islamik.

Saad Maan, zëdhënës i Komitetit Suprem për funeralin e Ajetullah Sejed Ali Khamenei, udhëheqësit martir të Revolucionit Islamik, në Irak, njoftoi të mërkurën: "Rreth 4,300 gazetarë irakianë dhe të huaj morën pjesë në mbulimin mediatik të ceremonisë së funeralit".

Ai deklaroi: "Transmetimi i drejtpërdrejtë i ceremonisë së funeralit filloi që nga ora 5:00 të mëngjesit të mërkurën dhe vazhdon, me të gjitha kanalet televizive irakiane që e mbulojnë ceremoninë drejtpërdrejt, dhe një numër i tyre e kanë transmetuar atë vazhdimisht që nga fillimi i ceremonisë". Ai shtoi: "Kjo ceremoni ka pasur një ndikim të gjerë ndërkombëtar".

Forcat e Mobilizimit Popullor Irakian  njoftuan në një deklaratë shkallën e paparë të pjesëmarrjes publike në ceremoninë e funeralit për udhëheqësin martir të umetit, duke theksuar se vërshimi i njerëzve kishte filluar në Qerbela para fillimit zyrtar të ceremonisë. Sipas organizatës dhe bazuar në vlerësimet fillestare, numri i pjesëmarrësve në ceremoninë e funeralit në Qerbela tani ka tejkaluar 4 milionë njerëz.

Naxhaf Ashraf gjithashtu dëshmoi një funeral madhështor të udhëheqësit martir të Revolucionit Islamik, ku morën pjesë miliona njerëz, disa orë më parë. Ceremonia u mbajt me entuziazëm të madh dhe me praninë e gjerë të popullit irakian dhe disa politikanëve irakianë, dhe zgjati disa orë.

Ky aktivitet madhështor, në të cilin morën pjesë një numër i madh njerëzish entuziastë dhe të pikëlluarit e thellë, vazhdoi të mërkurën në mbrëmje në Mauzoleun e Hazreti Ebu Abdullah Al-Husejn (a.s.) në Qerbela.

Kërkoni video, na ndiqni: https://t.me/ParsTodayshqip