Ndërtohen kampe refugjatësh në Irak

Ministri për emigracion i Irakut ka deklaruar në lidhje me gatishmërinë e organizatave dhe institucioneve për ndërtimin e kampeve për refugjatët të cilët janë viktimë e operacioneve për çlirimin e Mosulit.

Derbaz Mohamed, ministri për emigracion i Irakut, të enjten ka thënë se dhjetë mijë tenda janë ngritur në afërsi të Mosulit, për të strehuar refugjatët të cilët kanë ikur nga rajonet ku po zhvillohen operacionet për çlirimin e Mosulit. Nga ana tjetër, Komiteti ndërkombëtar i Kryqit të Kuq dhe organizata ndërkombëtare e emigracionit janë shprehur të shqetësuar nga mundësia e përdorimit të armëve kimike nga ana e ISIS në përballje me operacionin e ushtrisë irakiane për çlirimin e qytetit Mosul.