Shtohet numri i viktimave nga shpërthimi terrorist në Latakia

Prefekti i provincës Latakia njoftoi shtimin e numrit të të vrarëve dhe të plagosurve nga shpërthimi terrorist në rajonin Amare të qytetit Xhebale në provincën Latakia.

Ibrahim Salem ditën e enjte njoftoi se nga shpërthimi i autobombës në afërsi të stadiumit të qytetit Xhebale 12 persona humbën jetën dhe 30 u plagosën, shumë prej të cilëve në gjendje të rëndë. Shpërthimi ndodhi pasditen e së enjtes në rajonin Amare që është një prej zonave më të frekuentuara të qytetit në fjalë.