Bashar Xhaferi drejton delegacionin e qeverisë siriane në negociatat e Astanas

Burime diplomatike kanë njoftuar se përfaqësuesi i përhershëm i Sirisë në OKB është emëruar kryesues i delegacionit qeveritar sirian në negociatat e Astanas.

Gazeta qeveritare siriane Al Vatan, ka njoftuar sot se Bashar Xhaferi, i dërguari i përhershëm i Sirisë në OKB, do të jetë kryesues i delegacionit negociator në Astana. Sipas këtij raporti, qeveria siriane synon  që në negociatat që do të zhvillohen në Astana të gjejë rrugën për zgjidhjen e krizës siriane, mirëpo opozitarët pretendojnë se rruga e zgjidhjes përfundimtare të krizës siriane do të jetë sipas deklaratës së Gjenevës së vitit 2013.