Bisedimet për Sirinë do të fokusohen në armëpushim

Presidenti i Sirisë, Bashar Asad, tha se bisedimet për paqe, javën e ardhshme në Kazakistan, do të fokusohen në zbatimin e armëpushimit, me qëllim që agjencive të ndihmës t’iu mundësohet qasja në gjithë vendin.

Është e paqartë nëse do të ketë dialog politik “sepse nuk është e qartë se kush do të marrë pjesë”, tha Asad për një televizion të Japonisë. Bisedimet në Astana të Kazakistanit, të sponsorizuara nga Rusia, Irani dhe Turqia, do të nisin më 23 janar.