Lirohet ish-presidenti egjiptian Hosni Mubarak

Ish-presidenti egjiptian Hosni Mubarak, është liruar, pas gjashtë vjetësh heqje lirie.

Agjencia e lajmeve Fars njoftoi se Mubarak u largua  nga një spital ushtarak në Kajron jugore dhe shkoi në shtëpinë e tij në periferinë veriore të Heliopolis, tha avokati i tij, shkruajnë burimet egjiptiane të informimit. Lirimi i tij vjen pas vendimit të Gjykatës së Lartë të Egjiptit, e cila  e liroi nga akuza për vrasjen e protestuesve në kryengritjen e vitit 2011. Mubarak, 88 vjeçar u bë president në vitin 1981 pas vrasjes së Anvar Sadat. Mubarak, i cili urdhëroi vrasjen e qindra protestuesve demokratikë në pranverën e vitit 2011, fillimisht u dënua me burgim të përjetshëm, por apelet e njëpasnjëshme e sollën deri këtu ish udhëheqësin i cili për tri dekada ka rrënuar ekonominë e vendit