Vriten 37 terroristë në perëndim të Mosulit

Forcat irakiane sulmuan një vendstrehim të terroristëve të ISIS në rrethinat e qytetit Tel Afar në perëndim të Mosulit dhe vranë 37 pjesëtarë të grupit terrorist-takfirist ISIS.

Forcat e përbashkëta irakiane kanë arritur të vrasin pothuajse të gjithë komandantët e ISIS dhe kanë shkatërruar qendrat komanduese dhe depot e armëve dhe municioneve të terroristëve në perëndim të Mosulit. Major Amir Jarullah, komandant operativ i provincës Ninva, bëri të ditur se forcat vullnetare irakiane kanë çliruar lagjet Al Jabesat dhe Al Arube dhe po u afrohen lagjeve Al Motahen dhe Al Abar në perëndim të Mosulit.