Shtohet numri i të infektuarve me kolerë në Jemen

Stephen O’Brien, Nënsekretari i Përgjithshëm i OKB-së për Çështje Humanitare tha dje se mendohet se numri i të infektuarve me kolerë në Jemen ka kaluar 200 mijë vetët këtë javë.

Shefat e UNICEF-it dhe të OBSH thanë përmes një deklarate dje se po përballen me epideminë më të rëndë të kolerës aktualisht në botë, duke regjistruar mesatarisht 5000 raste të reja infektimesh në ditë. Shefi i UNICEF-it, Anthony Lake tha se keqësimi i gjendjes humanitare në Jemen gjatë dy vjetëve të fundit me “6.8 milionë vetë në prag të zisë së bukës dhe 1300 të vdekur nga kolera, ishte një situate e parandalueshme”. Epidemia e kolerës filloi në një kohë kur vendi ka përjetuar dy vjet konflikt të rëndë, në luftën e koalicionit të udhëhequr nga sauditët kundër grupit Jemenit, që ka vrarë të paktën 12 mijë civilë.