Pesë deputetë të Parlamentit të Egjiptit thirren për tu qortuar!
Parlamenti i Egjiptit të premten e shpalli të ndaluar pjesëmarrjen e deputetëve egjiptianë në çfarëdo lloj tubimi anti-iranian, por pavarësisht kësaj, me organizimin e takimit të organizatës terroriste Muxhahedine Khalk në Paris, 5 deputet të Parlamentit të Egjiptit kanë marrë pjesë në këtë takim dhe ky veprim i tyre është bërë shkak që ata të thirren për tu qortuar nga komiteti për hetime në Parlamentin e Egjiptit.
Faqja informative Pars Today njoftoi se pavarësisht faktit se Parlamenti i Egjiptit të premten e shpalli të ndaluar pjesëmarrjen e deputetëve egjiptianë në çfarëdo lloj tubimi anti-iranian, por pavarësisht kësaj, me organizimin e takimit të organizatës terroriste Muxhahedine Khalk në Paris, 5 deputet të Parlamentit të Egjiptit kanë marrë pjesë në këtë takim dhe ky veprim i tyre është bërë shkak që ata të thirren për tu qortuar nga komiteti për hetime në Parlamentin e Egjiptit. Ali Abdulal, kryetari i Parlamentit të Egjiptit, këta pesë deputet i kishte dërguar në komitetin hetimor të Parlamentit pasi ata pa lejen e Parlamentit kishin shkuar në Paris për të marrë pjesë në konferencën vjetore të organizatës Mouxhahedine Khalk. Sipas këtij raporti, deputetët e Parlamentit të Egjiptit që kanë marrë pjesë në konferencën vjetore të organizatës Muxhahedine Khalk janë: Xhamal Abas, Al-Badri Dajf, Mahmud Muhijdin, Murteda Al-Arabij, Davud Al-Vadi dhe Nu'man Ahmd Fat'hi Al-Bedari. Vlen të theksohet se konferenca vjetore e organizatës Muxhahedine Khalk u zhvillua sot në Paris në të cilën ishin të pranishëm edhe Turki Al-Fejsal, ish-shefi i Inteligjencës së Arabisë Saudite, Nasr Al-Hariri, kryetari i koalicionit të opozitarëve sirian në diasporë, Rudi Guiliani, ish-kryebashkiaku i Nju Jorkut, John Bolton, ish-ambasadori i Amerikës në OKB, si dhe personalitete të tjera.
