“Marshi për drejtësi”, mijëra protestues në shesh kundër Erdogan
Me qindra mijëra njerëz dolën në rrugët e Stambollit për të finalizuar lëvizjen e nisur 25 ditë më parë nga kryeqyteti turk Ankaraja, të pagëzuar me emrin “Marshi për drejtësi”.
Iniciativa u promovua nga partia kryesore opozitare kundër presidentit Rexhep Taip Erdogan, Partia Republikane Popullore e udhëhequr nga Kemal Kiliçdaroglu. Tubimi u mbajt në sheshin e Maltepes, ana aziatike e metropolit mbi Bosfor, ku mijëra protestues përshëndetën me flamuj turq. Marshimi u organizua për të protestuar kundër ndalimit të një anëtari të Partisë Republikane Popullore, Enis Berberoglu, i dënuar me 25 vjet burg për dhënien e informacionit konfidencial për gazetën opozitës "Cumhurriet". Kreu i Partisë Republikane Popullore paralajmëroi: “Askush të mos mendojnë se ky është marshi i fundit. 9 korriku shënon ditën e rilindjes”.
