A mundet Organizata për Bashkëpunim Islamik të bëjë ndryshim? (1)
Si organizata e dytë më e madhe ndërqeveritare pas Kombeve të Bashkuara dhe me një anëtarësim të 57 shteteve në katër kontinente, vendet anëtare të Organizates për Bashkëpunim Islamik (OBI) nuk mund të prodhojnë në të vërtetë efekt dhe ndikim shumë të qëndrueshëm në lidhje me qëllimet për të cilat ishte themeluar, dmth, ruajtjen dhe mbrojtjen e interesave të botës myslimane në frymën e nxitjes së paqes dhe harmonisë ndërkombëtare mes njerëzve në mbarë globin.
Nga: Mojtabad Barghandan*
Duke zëvendësuar "bashkëpunimin" me "konferencën" në titullin e organizatës në vitin 2011, së bashku me ndryshimin e logos dhe duke shtuar një figurë të Qabesë në qendër, shtetet anëtare kanë ndjekur modifikimin e politikës së përgjithshme të OBI ose forcimin e ndikimeve të saj diplomatike dhe politike. Megjithatë, ajo ka prodhuar pak ose më pak efekte të prekshme në kuptimin që një ndryshim i tillë, në thelb, do të nënkuptonte shtimin e fuqisë dhe forcës në OBI ose një vullnet më serioz për bashkëpunim dhe unitet. Megjithatë, ka pasur disa hapa që janë ndërmarrë që nga viti 2005, si ndërtimi i imazhit në bashkësinë ndërkombëtare dhe promovimi i bashkëpunimit ndërmjet shteteve anëtare në fusha të ndryshme.
Në rastin e Palestinës dhe Al-Aksa-s dhe politikat e miratuara nga OBI, një rishikim i shkurtër i historisë së krijimit të OBI do të kontribuonte në një kuptim më të mirë se si OBI-ja i merr në konsideratë zhvillimet aktuale rajonale.
Gjithçka filloi me Deklaratën Balfour të vitit 1917 nga Britania dhe ngjarjet më pas që rezultuan në shpalljen e shtetit të Izraelit dhe pastaj Lufta gjashtëditore e vitit 1967 u nis në mënyrë të paracaktuar nga Izraeli. Që nga fillimi, Izraeli ka ndjekur vetëm një plan sionist të hartuar nga Perëndimi. Ishte, në të vërtetë, një kërcënim i vërtetë për Al-Aksa dhe procesi është ende në vazhdim e sipër.
Ku qëndron OBI lidhur me zhvillimet rajonale?
Pas vënies së zjarrit më 21 gusht 1969 në xhaminë Al-Aksa, pavarësisht nga çfarëdo arsye dhe kushdo që qëndronte pas zjarrvënies, e cila nuk është temë e këtij studimi, shtetet muslimane mbajtën një takim historik në Rabat të Marokut, në 25 shtator 1969 dhe si rezultat, OBI u krijua me një vendim në atë samit. Natyra e themelimit të saj ka qenë e admirueshme, por menaxhimi dhe operimi i OBI-së për paqen dhe stabilitetin rajonal nuk është aspak i vlefshëm për aklamacion, por përkundrazi, i nënshtrohet kritikave të ashpra.
Duke marrë parasysh organet kryesore të OBI-së - Samitin Islamik, Këshillin e Ministrave të Jashtëm (CFM), Sekretariatin e Përgjithshëm, Komitetin Al-Aksa dhe tre komitetet e përhershme të lidhura me shkencën dhe teknologjinë, ekonominë dhe tregtinë, si dhe informacionin dhe kulturën, përveç organeve të specializuara nën flamurin e OBI, duke përfshirë Bankën Islamike të Zhvillimit dhe Organizatën Islamike të Arsimit, Shkencës dhe Kulturës, si dhe organet ndihmëse dhe shoqëruese që luajnë një rol jetësor në rritjen e bashkëpunimit në fusha të ndryshme midis shteteve anëtare të OBI-së - mund ose duhet të kishte punuar shumë më mirë sesa ajo që është shfaqur që nga themelimi i saj.
Nga ana tjetër, programi 2025 i OBI është i ankoruar në dispozitat e Kartës së OBI dhe fokusohet në 18 fusha prioritare me 107 qëllime. Zonat prioritare përfshijnë paqen dhe sigurinë, Palestinën dhe Al-Aksa, zbutjen e varfërisë, kundër-terrorizmin, investimet dhe financat, sigurinë ushqimore, shkencën dhe teknologjinë, ndryshimet klimatike dhe qëndrueshmërinë, moderimin, kulturën dhe harmoninë ndërfetare, fuqizimin e grave, të drejtat e njeriut dhe qeverisjen e mirë. Por sa kanë tentuar apo synojnë të arrijnë këto prioritete të OBI dhe vendet anëtare të kësaj organizate?
Vazhdon...
