5,000 kurdë të Sirisë të zhvendosur nga shtëpitë e tyre

Në një raport të OKB thuhet  se rreth 5,000 kurdë të Sirisë u zhvendosën nga shtëpitë e tyre në veri të vendit, për të shpëtuar nga vdekja.

 Operacioni ushtarak turk në zonën siriane Afrin ka ndikuar në zhvendosjen e rreth 5,000 kurdëve bën të ditur raporti i Organizatës së Kombeve të Bashkuara.  Ushtria turke filloi sulmet të shtunën kundër militantëve kurdë të "Unitetit të mbrojtjes popullore", ku përveç bombardimeve ka dërguar edhe trupa në zonën e kontrolluar nga kurdët.  Turqia pretendon se qëllimi i operacionit në qytetin e Afrin është të krijojë siguri dhe stabilitet përgjatë kufijve të përbashkët me Sirinë. Turqia ka njoftuar planet për të eliminuar grupet terroriste në rajon dhe për të mbrojtur popullin sirian.