Egjipti dënon 14 persona me burgim të përjetshëm

Një gjykatë në Egjipt ka dënuar 14 persona me burgim të përjetshëm, duke përfshirë një këshilltar të ish-presidentit Mohammed Morsi, për anëtarësim në Vëllazërinë Myslimane, transmeton AP.

Agjencia e lajmeve shtetërore, Al Ahmra, ka raportuar të enjten se nga tetë nga 14 personat e përmendur, janë dënuar në mungesë.

Përveç anëtarësimit në Vëllazërinë Myslimane, Gjykata e Kajros ka dënuar personat në fjalë edhe për posedim të armëve të zjarrit, cenim të lirisë së personave dhe për shkelje të dispozitave kushtetuese.

Egjipti ka goditur ashpër islamistët nga viti 2013 pas rrëzimit të Morsit nga pozita e presidentit të këtij shteti.

Vëllazëria Myslimane është shpallur “organizatë terroriste” prej largimit të Morsit nga pozita udhëheqëse.