Trajnimi i grupit terrorist Monafekin në Arabinë Saudite dhe Izrael
Agjencia e lajmeve Al-Manar raportoi për trajnimin e grupeve terroriste në Palestinën e okupuar dhe Arabinë Saudite.
Faqja e internetit të gazetës Al-Manar tha se anëtarët e grupit terrorist Monafekin janë duke u trajnuar nga një numër i vendeve perëndimore, regjimi sionist dhe një numër kampesh të veçanta në Arabinë Saudite. Sipas këtij raporti, një nga bandat e këtij grupi terrorist është krijuar që t'i shërbejë regjimeve të këqija, duke bashkëpunuar me Shtetet e Bashkuara dhe Izraelin dhe duke kryer operacione terroriste kundër Iranit. Ky grup terrorist gjithashtu nganjëherë organizon konferenca provokative kundër Iranit e në favor të Shteteve të Bashkuara dhe Izraelit nën patronazhin e disa shteteve të Gjirit Persik. Raportet tregojnë se disa prej qelizave terroriste të këtij grupi lëvizin nëpër disa vende perëndimore dhe rrezikojnë interesat e Iranit duke mbajtur protesta që i financojnë agjencitë e inteligjencës në këto vende. Al-Manar shtoi se grupi terrorist Monafekin po bashkëpunon vazhdimisht dhe po koordinohet me disa banda të tjera për të kryer operacione sabotimi në Iran. Regjimi sionist dhe Arabia Saudite, së bashku me Shtetet e Bashkuara në vitet e fundit, kanë qenë gjithmonë mbështetës të grupeve terroriste në rajon, duke përfshirë ISIS-in, dhe tani po pajisin dhe trajnojnë ushtarakisht ato grupe. Grupi terrorist Monafekin ka vrarë më shumë se 17,000 qytetarë iranianë me ndihmën e Arabisë Saudite, regjimit sionist dhe Shteteve të Bashkuara në operacione të ndryshme terroriste që nga fillimi i Revolucionit Islamik.
