Policia vret 40 militantë pas sulmit me bombë në Egjipt

Tre turistë vietnamezë dhe një udhërrëfyes egjiptian u vranë dhe 10 persona të tjerë u plagosën kur një bombë goditi autobusin në të cilin ishin ata të premten, rreth 4 kilometra afër piramidave të famshme të Egjiptit.

Policia ka raportuar se të shtunën në mëngjes ka vrarë 40 militantë të dyshuar për planifikimin e disa sulmeve në vendet turistike.

Sulmi me bombë është sulmi i parë vdekjeprurës kundër turistëve të huaj në Egjipt brenda një viti. Ende nuk është raportuar se kush ka kryer sulmin.

Grupet ekstremiste-terroriste të lidhura me grupin takfirist ISIS janë aktivë në Egjipt dhe kanë pasur për cak turistët gjatë viteve të kaluara duke kryer disa sulme në qendra të ndryshme publike.

Turistët ishin duke shkuar në një shfaqje të piramidat, tha Lan Le, njëri nga vizitorët.

Ministria e Brendshme e Egjiptit tha se sulmi është kryer me anë të shpërthimit të një bombe me një pajisje të improvizuar që ishte fshehur afër një muri.