Qeveria e regjimit sionist pranon përgjegjësin e agresionit kundër Sirisë
Kryeministri i regjimit sionist deklaroi se Izraeli merr përgjegjësin për sulmin ajror kundër aeroportit ndërkombëtar të Damaskut.
Agjencia e lajmeve IRNA njoftoi se Beniamin Netanjahu, kryeministri i regjimit sionist, ditën e diele deklaroi: "Forcat ajrore të Izraelit të premten në mbrëmje kanë sulmuar disa objektiva të aeroportit ndërkombëtar të Damaskut".
Netanjahu pretendoi: "Izraeli deri më tani qindra herë ka sulmuar pozicionet e forcave të Hezbullahut dhe objektiva të tjera në Siri".
Para kësaj edhe Gadi Eizenkot, shefi i shtabit të përgjithshëm të ushtrisë së regjimit sionist, në një intervistë me gazetën amerikane "New York Times", ka pohuar agresionin e përsëritshëm të ushtrisë së regjimit sionist kundër Sirisë.
Ndërkohë agjencia e lajmeve SANA të shtunën në orët e para të mëngjesit njoftoi se aeroporti ndërkombëtar i Damaskut është sulmuar me disa raketa të hedhura nga avionët luftarakë të regjimit sionist.
Autoritetet siriane kanë thënë se mbrojtja kundërajrore e ushtrisë së Sirisë ka rrëzuar dhe shkatërruar shumicën e raketave të hedhura nga avionët luftarak të regjimit sionist dhe në këtë sulm është dëmtuar vetëm një depo.
