Erdogan ftohet në Rusi
Presidenti i Rusisë në një kontakt telefonik me homologun e tij turk, përveçse ka biseduar në lidhje me zhvillimet në Siri, e ka ftuar atë për një vizitë në Moskë.
Agjencia e lajmeve Reuters njoftoi se Pallati i Kremlinit ka bërë të ditur bisedën e Vladimir Putin, presidentit të Rusisë me Rexhep Taip Erdogan, presidentin e Turqisë, të cilët kanë biseduar në lidhje me zhvillimet në Siri.
Putin gjatë kësaj bisede gjithashtu e ka ftuar Erdoganin për një vizitë në Moskë gjatë ditëve të ardhshme.
Sipas raportit të Kremlinit, Putin dhe Erdogan me këtë rast kanë theksuar ruajtjen e tërësisë territoriale të Sirisë, ndërkohë që edhe pala turke ka pranuar ftesën për vizitë në Rusi.
Të dy palët gjatë kësaj bisede kanë theksuar shmangien e përballjes mes forcave ushtarake të Sirisë dhe Turqisë.
