Ushtria siriane është futur në provincën Hesake

Ushtria Siriane dje hyri në provincën Hesake për tu përballur me ushtrinë turke.

Agjencia zyrtare e lajmeve Sana në Siri raportoi se ushtria siriane është zhvendosur në veri të Sirisë për të kundërshtuar agresionin turk. Kurdët sirianë gjithashtu njoftuan për një marrëveshje me qeverinë siriane për vendosjen e trupave ushtarake siriane në kufirin siriano-turk. Sipas marrëveshjes, ushtria siriane do të marrë nën kontroll të gjitha zonat kufitare, përfshirë provincën Hesake në veri të vendit. Ata do të tërhiqen pas vijave kufitare gjatë vendosjes së ushtrisë siriane. Administrata autonome e Sirisë Kurde ka thënë, "Për të kundërshtuar agresionin turk, kurdët sirianë janë pajtuar me qeverinë qendrore përgjegjëse për mbrojtjen e kufijve dhe sovranitetin e vendit." Të mërkurën, me pretekstin e "përballjes me terrorizmin" dhe "pastrimit të kufirit sirian-turk", ushtria turke me urdhër të Presidentit turk Rexhep Taip Erdogan nisi një operacion kundër milicive në veri të Sirisë që Ankaraja i konsideron si terroristë. Forcat Demokratike Siriane "(YPG) gjithashtu njoftuan se do ta shndërronin pushtimin turk në një luftë të plotë. Siria dënoi operacionin turk në zonat veriore të kurdëve në vend dhe ka njoftuar se ushtria do të mbronte sovranitetin e saj dhe integritetin territorial të Sirisë.