Gjashtë ushtarë sauditë u vranë në përleshje me forcat jemenase

Ushtarët jemenas dhe luftëtarë nga Komitetet Popullore aleatë kanë vrarë të paktën gjashtë ushtarë sauditë gjatë sulmeve të ndara në rajonet kufitare jugperëndimore të Arabisë, si pjesë e sulmeve hakmarrëse kundër fushatës vdekjeprurëse të regjimit të Riadit kundër vendit të tyre.

Rrjeti televiziv i lajmeve al-Jazeera raportoi se forcat jemenase dhe aleatët e tyre i vranë trupat saudite gjatë shkëmbimeve të ndryshme të zjarrit gjatë dy ditëve të fundit. Ndërkohë, Muhamed Ali al-Huthi, Kryetari i Komitetit Suprem Revolucionar të Jemenit, ka kritikuar ashpër autoritetet sudaneze për pjesëmarrjen e militantëve nga vendi i Afrikës Verilindore në agresionin ushtarak të udhëhequr nga sauditët kundër Jemenit. "Populli i Sudanit e di shumë mirë se gjëja e fundit që mendojnë krerët e ushtrisë sudaneze është mbrojtja e vendeve të shenjta ”,shkroi Huthi në një postim të publikuar në faqen e tij në Twitter.