Nga Tartusi lëshohen raketat Kalibr
Veprimet provokuese të SHBA-së rreth bazës ruse në Tartus vazhdojnë të shtohen, ndërsa luftanija USS Harry Truman së fundmi zbarkoi në zonë dhe dërgoi dronët Poseidon për të spiunuar bazat ruse.
Reagimi siriano-rus ishte i shpejtë: marinat ruse dhe siriane filluan ushtrime të përbashkëta stërvitore në Mesdhe në sfondin e zjarrit të raketave ruse Kalibr. Komandanti i bazës detare ruse në Tartus, u tha gazetarëve se zgjedhja e këtij qyteti port si një vend për manovrat nuk ishte i parëndësishëm: "Arsyeja është se anijet luftarake ruse pranë bregdetit sirian luajnë një rol të rëndësishëm në luftën kundër terrorizmit ndërkombëtar", tha një burim rus për Sputnik, që do të thotë shumë qartë se Rusia është e gatshme të riaktivizojë më shumë rolin e marinës së saj në një kontekst të tensionit ekstrem në Mesdhe, ku NATO dhe Izraeli kanë forcuar praninë e tyre nën pretekstin se duhet të përballen me Turqinë. Sipas këtij burimi, raketat ruse "Kalibr" u testuan gjerësisht gjatë këtyre ushtrimeve dhe synuan pozicionet e terroristëve në Siri. Për më tepër, zyrtari rus vuri në dukje se baza detare ruse në Tartus është "vendi kryesor i armatimit" që furnizon "forcat siriane dhe aleatët e tyre në Siri", çka e bën të domosdoshëm trajnimin e ekuipazheve të anijeve dhe njësive ushtarake siriane dhe ruse.
