Shpërthim bombe gjatë kalimit të një karvani amerikan

Mediat irakiane dje njoftuan për shpërthimin e një bombe gjatë kalimit të një karvani logjistik të ushtrisë terroriste të Amerikës në provincën Babel të Irakut.

Mediat irakiane njoftuan se bomba ka shpërthyer pranë rrugës dhe ka dëmtuar disa trilerë dhe kamionë që transportonin pajisje logjistike ushtarake. Edhe më herët është raportuar për disa shpërthime gjatë kohës së kalimit të forcave ushtarake amerikane në Irak. Ambasada amerikane në Irak dhe bazat ku ishin vendosur forcat amerikane Taxhi dhe Balad disa herë janë bërë arenë e sulmeve me raketa. Shumica e popullit irakian kërkon largimin e forcave amerikane nga Iraku dhe parlamenti irakian ka miratuar një rezolutë për këtë çështje.