Përleshje të ashpra në Nigeri

Të paktën 75 anëtarë të grupit terrorist Boko Haram u vranë në operacione të kryera në Nigerinë verilindore.

Sipas gjeneralit Benardo Onyeuko, ushtruesit të detyrës drejtor i marrëdhënieve me publikun në Ministrinë e Mbrojtjes, midis 28 shtatorit dhe 31 tetorit forcat e sigurisë kryen operacione tokësore dhe ajrore kundër grupit terrorist Boko Haram në zonat e shtetit Borno, epiqendra e kryengritjes në vend. Ai tha se së bashku me vrasjet, u shkatërruan edhe strehimoret dhe u sekuestruan katër automjete të blinduara të grupit terrorist. Por shumë terroristë të plagosur, tha Onyeuko, arritën të shpëtojnë. Shumë civilë ende janë të bllokuar në komunitetet e largëta dhe nuk janë në gjendje të largohen për shkak të mungesës së sigurisë në rrugë. Dhuna, e cila ka vrarë më shumë se 30 mijë njerëz, është përhapur edhe në vendet fqinje në Niger, Çad dhe Kamerun, duke nxitur një përgjigje ushtarake.