Kina lëshon në hapësirë 13 satelitë me një raketë të vetme

Kina ka dërguar në hapësirë ​​”satelitin e parë eksperimental 6G në botë”, transmeton Anadolu Agency (AA).

Sateliti eksperimental 6G do të “verifikojë teknologjinë e komunikimit terahertz (THz) në hapësirë, një përparim në komunikimin hapësinor”, njoftoi e përditshmja shtetërore “Global Times”. Sateliti 6G ishte midis tre satelitëve kinezë të lansuar me sukses në orbitë, së bashku me 10 satelitë komercialë për ndjesi nga distanca të zhvilluar nga kompania argjentinase Satellogic, thuhet në raport. Të gjithë ata u lansuan duke përdorur raketën e vetme Long March 6, e cila u ngrit nga Qendra e Lansimit të Satelitëve Taiyuan në provincën veriore Shanxi. Kjo ishte raketa e 351-të e serisë kineze Long March të zhvilluar në mënyrë indigjene. Në shtator, Kina lansoi satelitin e saj të tretë detar në hapësirë dhe ka dërguar një satelit vëzhgimi Gaofen 11-02 në orbitë për studimet e tokës, planifikimin urban, hartimin e rrjetit rrugor, bujqësinë dhe lehtësimin e katastrofave.