Doktrina e re ushtarake e Putinit

Shefi i Kremlinit nënshkroi një program të ri sekrete të mbrojtjes për vendin për vitet 2021-2025, vetëm një ditë para se një burim rus të zbulonte manovrën e re të forcave elitare të ushtrisë ukrainase, të mbështetur nga NATO, që shpreson të infiltrojë në oborrin e Rusisë, veçanërisht në Krime.

Doktrina e re ruse e mbrojtjes duket se është hartuar në drejtim të kërcënimeve në rritje të NATO-s në pragun e territorit rus. Të gjithë kësaj i shtohet mosmarrëveshja mes palëve ruse dhe amerikane për arsenalin atomik. Presidenti rus Vladimir Putin ka vendosur të zbatojë një plan sekret për mbrojtjen e Rusisë. Plani përbëhet nga një seri dokumentesh të planifikimit ushtarak, por përmbajtja e tij është e klasifikuar. "Zbatoni planin e mbrojtjes të Federatës Ruse për vitet 2021-2025 nga 1 Janari 2021", specifikon dekreti. Plani i mëparshëm i mbrojtjes për 2016-2020 hyri në fuqi më 1 janar 2016. Në dhjetor 2014, Putini vuri në zbatim doktrinën e re ushtarake të vendit. Dallimi kryesor i tij ishte zgjerimi i listës së kërcënimeve të brendshme dhe të jashtme duke përfshirë në përbërjen e tyre veprimet për destabilizimin e situatës socio-politike në vend, një ndikim informues mbi popullatën në mënyrë që të minojë traditat historike, shpirtërore dhe patriotike, si dhe nxitjen e përçarjes ndëretnike dhe ndërfetare. Plani i ri i mbrojtjes ruse ka hyrë në fuqi ndërsa kanali rus RT zbulon veprime të mëtejshme nga forcat elitare të lidhura me qeverinë pro-NATO të Ukrainës. Forcat speciale ukrainase do të praktikonin rimarrjen e Krimesë gjashtë vjet pas kthimit të gadishullit në Rusi, sipas RT. Ushtarët elitë të ushtrisë ukrainase kohët e fundit zhvilluan një sërë stërvitjesh për tu përgatitur për një invazion të mundshëm të Gadishullit të Krimesë. Të gjithë kësaj i shtohet mosmarrëveshja për arsenalin atomik mes SHBA dhe Rusisë. Në tetor, presidenti rus njoftoi se ai donte zgjatjen "pa kushte" me një vit të traktatit ruso-amerikan të çarmatimit bërthamor New Start, tre ditë pas një oferte të Shteteve të Bashkuara të konsideruar të papranueshme nga Moska. Traktati dypalësh New Start, i nënshkruar në 2010, mban arsenalet bërthamore të të dy vendeve shumë poshtë nivelit të tyre të Luftës së Ftohtë, duke kufizuar në 700 numrin e lëshuesve strategjikë bërthamorë të dislokuar dhe në 1,550 numrin e mbushjeve bërthamore. Putini më pas konsideroi se do të ishte "jashtëzakonisht për të ardhur keq" që traktati të përfundonte pa u zëvendësuar, duke mirëpritur një marrëveshje që do të bënte të mundur, sipas tij, " kufizimin e garës së armatimeve".