Britania: BE po kërkon shumë
Bisedimet tregtare për Brexit ende janë të bllokuara në çështjet e peshkimit, rregullat e qeverisjes dhe një rezolute kontestuese, sepse Bashkimi Evropian është duke kërkuar shumë, ka thënë Michael Gove, zyrtari i Qeverisë Britanike, i ngarkuar me çështje të marrëveshjes së Brexitit.
“Bashkimi Evropian ende e kërkon pjesën e luanit sa i përket peshkimit në ujërat tona – gjë e cila është e padrejtë, marrë parasysh se ne po largohemi nga BE-ja”, ka thënë Gove. “BE-ja ende dëshiron që ne të jemi të lidhur me mënyrën se si ajo i bën gjërat”, ka thënë ai. “Bashkimi Evropian është duke shfrytëzuar momentin që nëse ka ndonjë lloj mosmarrëveshjeje, jo të grisë gjithçka, por të vendosë kufizime të ashpra ndaj nesh dhe nuk mendoj që kjo është e drejtë”. Një marrëveshje tregtare, jo vetëm që do të garantonte tregtinë, mirëpo edhe do të mbështeste paqen në Irlandën Veriore, ndonëse disa mospajtime janë pothuajse të sigurta në pikat më të ngarkuara kufitare BE-Britani. Nëse nuk arrihet marrëveshje, viti i ardhshëm do të nisë me paqartësi të mëdha dhe vendosje të tarifave për mallrat britanike dhe ato evropiane.
