Shkeljet e vazhdueshme të të drejtave të njeriut nga qeveria Saudite

Forcat saudite të sigurisë vazhdojnë të kryejnë abuzime të mëdha të të drejtave të njeriut në Arabinë Saudite.

Të drejtat e njeriut nuk janë një çështje interesante për sundimtarët e Arabisë Saudite. Një nga arsyet pse qeveria Saudite nuk u kushton vëmendje të drejtave të njeriut është se kjo lidhet me llojin e strukturës së pushtetit në këtë vend. Arabia Saudite drejtohet nga familja Al-Saud, e cila gjithashtu mbështetet nga mendimi Vehabist. Stili i pushtetit si dhe mënyra e jetesës së familjes Saudite është e ndryshme nga kërkesat e popullit Saudit. Al-Saud nuk beson në rolin e popullit në pushtet dhe për këtë në Arabinë Saudite nuk ka proces serioz zgjedhjesh  dhe populli nuk ka asnjë rol në përcaktimin e mbretit të këtij vendi. Në të njëjtën kohë, ndërsa princat sauditë jetojnë një jetë me prosperitet dhe pasuri legjendare, shumica e popullit Saudit përballet me varfëri, papunësi dhe diskriminim strukturor. Kjo mënyrë e jetës dhe fuqisë ka shkaktuar një përçarje midis një pjese të madhe të popullsisë saudite dhe familjes mbretërore gjë që ka shkaktuar formimin e lëvizjeve protestuese me kritika  të gjera ndaj sunduesve Sauditë. Sidoqoftë, Al-Saud shtyp fuqishëm cdo lloj kundërshtimi, kritike apo edhe aktivitete qytetare dhe çdo lëvizje apo figurë që proteston ose kritikon shtetin e mbyllur dhe të dhunshëm të pushtetit në Arabinë Saudite. Kjo situatë është përkeqësuar, veçanërisht pasi Muhamed bin Salman erdhi në pushtet në janar 2015. Muhamed bin Salman deri më tani ka sulmuar klerikë të shquar, intelektualë, akademikë dhe aktivistë për të drejtat e njeriut, pastaj biznesmenë të shquar dhe anëtarë të familjes mbretërore dhe për një valë arrestimesh janë kryer në Arabinë Saudite. Qeveria Saudite nxori si pretekst korrupsionin për të justifikuar arrestimet, përfshirë korrupsionin e princërve dhe akuzat kundër të arrestuarve të tjerë. Një pikë tjetër është se sistemi represiv saudit është më aktiv në disa zona gjeografike të vendit, nga të cilat rajonet lindore janë më të rëndësishmet. Arsyeja kryesore për shtypjen më aktive në lindje të Arabisë Saudite është se rreth 10 deri në 15 përqind e popullsisë së këtyre rajoneve janë shiitë, të cilët jetojnë kryesisht në provincat lindore dhe përballen me diskriminim strukturor dhe të qëllimshëm nga ana sistemit politik saudit. Në operacionin e fundit, forcat e sigurisë së regjimit Saudit kanë arrestuar të paktën 34 të rinj dhe klerikë, duke shkatërruar shtëpitë e tyre në qytetin lindor të Katif. Përhapja e gjerë e Koronës në Arabinë Saudite gjithashtu ka hapur rrugën për më shumë shtypje dhe dhunë ndaj popullit saudit. Në Prill 2020, faqja në Twitter e të burgosurve të lirisë së shprehjes në Arabinë Saudite zbuloi se zyrtarët Sauditë po abuzonin me opinionin publik duke nxjerrë si pretekst virusin korona për të kryer arrestime të reja të aktivistëve anti-qeveritar dhe për këtë arrestoi një numër aktivistësh kritikë të medias, klerikë dhe akademikë. Më në fund, mes heshtjes së organeve ndërkombëtare me ndikim si Këshilli i Sigurimit, si dhe indiferencës së aktivistëve të të drejtave të njeriut ndaj politikës së ashpër të Al Saud kundër qytetarëve Sauditë, disa OJQ ndërkombëtare, të tilla si Human Rights Watch, kanë goditur mungesën e lirisë së shprehjes, ekzekutimin dhe burgosjen e protestuesve dhe shkeljen e të drejtave të njeriut në Arabinë Saudite. Sidoqoftë, meqenëse raportet dhe kritikat e këtyre OJQ-ve nuk çojnë në ndonjë vendim dhe nuk kanë asnjë garanci ekzekutive, Al Saud është indiferent ndaj këtyre raporteve dhe kritikave, siç ishte rasti me Znj. Lajin Hazloul. Lajin Hazloul është një nga gratë që u nënshtrohen kushteve më të këqija dhe torturohet dhe keqtrajtohet në burgjet saudite vetëm pse kërkon që gratë të ngasin makinën. Kritikat e organizatave jo-qeveritare të të drejtave të njeriut nuk bënë që Al-Saud të ndryshojë politikën dhe sjelljen e vet ndaj kësaj aktivisteje saudite.