Mbi 900 të mitur para gjykatës për "fyerje" të Erdoganit!

Në Turqi, më shumë se 900 të mitur, përfshirë 264 midis moshave 12 dhe 14, janë paraqitur para gjykatës në një hapësirë prej gjashtë vjetësh për "fyerje" të Presidentit Rexhep Tajip Erdogan, thotë një raport.

Ministria Turke e Drejtësisë njoftoi të Dielën se një total prej 128,872 hetimesh ishin nisur në gjashtë vjet në lidhje me këtë çështje. Prokurorët vlerësuan mbi 36,000 ankesa dhe filluan çështje penale për më shumë se 11,370 persona vetëm në vitin 2019. Sipas nenit 299 të Kodit Penal Turk, fyerja e presidentit mund të rezultojë në një deri në katër vjet burg. Nëse vepra është kryer haptazi, zbatohet një rritje e dënimit deri në gjashtë vjet burgim. Një total prej 9,556 çështje rezultuan në dënime dhe u dhanë gati 2,680 dënime me burg, nga të cilat shtatë janë fëmijë. Më shumë se 4,320 individë u shpallën të pafajshëm. Çështjet e fundit gjyqësore kanë ngritur shqetësime mbi lirinë e shprehjes në Turqi. Erdogan ka mohuar çdo goditje ndaj shprehjes së lirë në Turqi.