Vdes spiuni më i famshëm i Luftës së Ftohtë

George Blake, një nga spiunët më të famshëm të Luftës së Ftohtë në Britani, ka vdekur në Rusi të Shtunën në moshën 98 vjeç.

Sipas Reuters, George Blake zbuloi identitetin e qindra spiunëve perëndimorë që vepronin në Evropën Lindore, disa prej të cilëve u ekzekutuan pas zbulimeve. Blake ishte një nga rastet më famëkeqe të Luftës së Ftohtë. Në vitin 1961 ai u gjet se ishte një spiun sovjetik dhe u dënua me 42 vjet burg. Ai u arratis nga burgu në 1966 dhe kaloi Evropën Lindore dhe Murin e Hekurt në Berlinin Lindor. Blake pastaj pjesën tjetër të jetës së tij e kaloi në Bashkimin Sovjetik dhe Rusi. "Kujtimi i kësaj figure legjendare do të mbetet përgjithmonë në zemrat tona," shkroi Presidenti rus Vladimir Putin në një mesazh ngushëllimi për vdekjen e Blake. Blake lindi në vitin 1922 në Roterdam, Hollandë. Nëna e tij ishte Hollandeze dhe babai i tij ishte hebre egjiptian. Ai u bashkua me rezistencën Hollandeze në Luftën e Dytë Botërore dhe më pas u largua nga vendi. Ai u bashkua me Marinën Britanike dhe nga 1944 punoi me Shërbimin Sekret Britanik. Në një intervistë me rastin e ditëlindjes së tij të 90-tat në 2012, Blake nuk u pendua për të kaluarën e tij dhe tha: "Po kaloj vitet më të lumtura dhe të qeta të jetës sime".