Kriza në Amerikë; Projektligji për fajësimin e Trump lëshuar në Kongres

Ligjvënësit demokratë në Kongresin e SH.B.A. të Enjten në mbrëmje lëshuan një projekt-ligj për shkarkimin e presidentit Donald Trump nga detyra.

David Cecilin, Jimmy Ruskin dhe Ted Liu ishin midis atyre që lëshuan propozimin, duke thënë se Trump duhet të fajësohet për "abuzim të pushtetit". Ndërkohë, kryetari i Dhomës së Përfaqësuesve të SH.B.A. dënoi të enjten sulmin e mbështetësve të Trump ndaj ndërtesës së Kongresit Amerikan dhe bëri thirrje për largimin e Presidentit Donald Trump nga pushteti. Në një konferencë shtypi, Nancy Pelosi i bëri thirrje Zëvendës Presidentit të SH.B.A. Mike Pence të rrëzojë Presidentin e SH.B.A., duke përmendur Amandamentin 25 të Kushtetutës së SH.B.A. Pelosi e quajti rolin e Trump në sulmin e mbështetësve të tij ndaj Kongresit si një "akt kryengritës" dhe u bëri thirrje Pence dhe anëtarëve të tjerë të administratës Trump të punojnë për të rrëzuar Trump. Ndërkohë; Anëtarët e Komitetit të Gjyqësorit të Dhomës së Sh.B.A lëshuan një projektligj për fajësimin e Trump disa orë më parë për abuzim të pushtetit dhe nxitje të mbështetësve të tij për të sulmuar Kongresin. Lideri Demokrat i Senatit Chuck Schumer gjithashtu theksoi në një deklaratë se presidenti duhet të rrëzohet menjëherë, duke iu referuar rolit të presidentit në ngjarjet e së Mërkurës në Uashington, i cili çoi në pushtimin e Kongresit nga pwrkrahws tw Trump për disa orë. Duke cituar amendamentin kushtetues 25 ai kërkoi që Nënpresidenti Mike Pence dhe një shumicë e anëtarëve të kabinetit qeveritar të votojnë në favor të largimit të Trump nga pushteti për shkak të paaftësisë së tij për të "kryer detyrat e veta". Të mërkurën, ndërsa Kongresi u mblodh për të konfirmuar votën elektorale në zgjedhjet e SHBA në 2020, Donald Trump dërgoi mesazhe në Twitter dhe Facebook duke ftuar mbështetësit e tij të zhvillonin një tubim proteste përpara Kongresit kundër asaj që ai e quajti mashtrim në zgjedhjet presidenciale. Sulmi i papritur në Kongres nga protestuesit për zgjedhjet presidenciale të Amerikës çoi në vdekjen e katër personave, ku sipas policisë të gjithë të vdekurit ishin simpatizantë të Donald Trump. Deri më tani, policia amerikane ka arrestuar 52 persona në lidhje me protestat. Ish Sekretarja e Shtetit e Shteteve të Bashkuara Hillary Clinton i ka quajtur mbështetësit e Trump terroristë dhe bëri thirrje për t'i dhënë fund sulmit. Pavarësisht kaosit në Shtetet e Bashkuara, Kongresi Amerikan më në fund konfirmoi fitoren e Joe Biden në zgjedhjet e SHBA të 3 Nëntorit 2020. Trump, megjithatë, ende këmbëngul se ai fitoi zgjedhjet e 3 nëntorit 2020 në SHBA dhe se demokratët kryen mashtrim të gjerë.