Virusi anglez vazhdon të krijojë frikë

Provat e hershme tregojnë se varianti i koronavirusit që u shfaq në Mbretërinë e Bashkuar mund të jetë më vdekjeprurës, tha Kryeministri britanik Boris Johnson.

Të dhënat janë vlerësuar nga shkencëtarët i cili ka informuar qeverinë. Sidoqoftë, të gjitha provat mbeten në një fazë paraprake. Studimet kanë treguar tashmë se ky variant mund të përhapet më lehtë sesa versioni tjetër i virusit. Varianti i ri u zbulua për herë të parë në Kent në shtator. Që atëherë është bërë versioni mbizotërues i virusit në Angli dhe Irlandën e Veriut dhe është përhapur në më shumë se 50 vende të tjera. Johnson tha: “Përveç përhapjes më shpejt, tani duket se ka disa prova se varianti i ri, varianti që u identifikua për herë të parë në Londër dhe në jug-lindje, mund të shoqërohet me një shkallë më të lartë të vdekshmërisë.” Sipas gazetës britanike, duket se virusi nuk provokon simptoma më të rënda dhe nuk kërkon trajtim ndryshe. Ekziston frika se mutacionet e këtij virusi bëjnë të mundur që individët të ri-infektohen edhe pse janë shëruar më parë. Varianti u zbulua në mënyrë rutinore. Ai ka disa ndryshime në proteinën që i mundëson virusit të ngulet te qelizat njerëzore. Kjo mendohet se e bën më të lehtë infektimin. Ky variant shumë ngjitës i koronavirusit i zbuluar për herë të parë në Mbretërinë e Bashkuar mund të bëhet lloji dominues në SHBA, deri në mars, sipas zyrtarëve të shëndetësisë. Qendrat për Kontrollin dhe Parandalimin e Sëmundjeve (CDC) paralajmëruan për rritje të shpejtë të variantit në javët e ardhshme. Sipas tyre një rritje e tillë mund të kërcënojë më tej sistemet shëndetësore të tendosura . Sidoqoftë, Europa ndodhet sot në panik, me pjesën më të madhe të kontinentin të vjetër që ka anuluar udhëtimet drejt Britanisë, e cila ishte e para që raportoi rastet e para të variantit të ri. Në një dokument prej 13 faqesh të botuar nga Qendra Europiane për Mbikëqyrjen e Sëmundjeve Infektive këshilloi sot vendet anëtare  të  “ monitorojnë shumë afër individët e vaksinuar për të provuar se ajo është 100 % efektive ndaj versionit të ri. Sa i përket testeve diagnostikuese , laboratorët këshillohen të vlerësojnë nëse preferohet të përdoren teste që synojnë proteinën Spike, pjesa e virusit që mësohet se ka ndryshuar. Dokumenti i ECDC-s rindërton rrugën që ka ndjekur ky varianti i ri i identifikuar në Anglinë jug-lindore pas një rritje të shpejtë të rasteve me Covid-19. Profesori Neil Ferguson, eksperti i shëndetit publik në Britani, tha që “hamendja e tij më e mirë” është se rreth 100 mijë njerëz tashmë janë infektuar nga virusi anglez edhe pse vetëm dy mijë raste janë të konfirmuara deri tash. Qeveria britanike është kritikuar nga shtetet e tjera për mënyrën e trajtimit të këtij virusi tepër të rrezikshëm.