Guterres: Prioriteti për 2021 duhet të jetë vaksinimi global

Sekretari i Përgjithshëm i KB theksoi se përparësia për vitin 2021 duhet të jetë futja e publikut në procesin e marrjes së vaksinës korona dhe zbatimi i planit të vaksinimit në të gjitha vendet e botës.

Sipas IRNA, Sekretari i Përgjithshëm i KB Antonio Guterres, në një fjalim virtual në Konferencën e Sigurisë në Mynih të Premten, kritikoi edhe një herë shpërndarjen e padrejtë të vaksinës Korona në botë, duke thënë se 75% e vaksinave të prodhuara janë të shpërndarë vetëm në 10 vende dhe mbi 100 vende nuk kanë marrë as edhe një vaksinë. Guterres gjithashtu tha se virusi Covid-19 duhet të trajtohet përmes vaksinimit global dhe qasjes së barabartë në vaksinë. Sekretari i Përgjithshëm i KB gjithashtu u bëri thirrje vendeve të zhvilluara të ndajnë doza shtesë të vaksinës së tyre me vendet e tjera dhe të paktën të dyfishojnë prodhimin e vaksinave me punë të shtuar. Konferenca e Sigurisë në Mynih, e njohur gjithashtu si Konferenca e Sigurisë Davos, filloi të Premten me një fjalim nga Wolfgang Ischinger. Motoja e Konferencës së Sigurisë së Mynihut në 2021 është rinovimi i bashkëpunimit transatlantik dhe studimi i sfidave globale.